ХА́БЛА ТЭЛЕСКО́П, касмічны тэлескоп імя Э.​Хабла,

тэлескоп (рэфлектар) для назіранняў і даследаванняў касм. аб’ектаў з арбіты ШСЗ. Распрацаваны НАСА з удзелам Еўрап. касм. агенцтва. Названы імем Э.П.Хабла. Люстра дыям. 2,4 м, агульная маса 12 т. Выведзены на арбіту выш. 610 км амер. пілатуемым касм. караблём «Дыскаверы». Даследаванні праводзяцца з 20.5.1990. Выкарыстоўваецца для вывучэння далёкіх планет, зорак, туманнасцей і галактык, пошуку чорных дзір і інш.

У.​С.​Ларыёнаў.

т. 16, с. 515

Беларуская Энцыклапедыя (1996—2004, правапіс да 2008 г., часткова)